Olkamll的無限斜棟創作日常
- artyap6skipclass
- 3月9日
- 讀畢需時 4 分鐘
已更新：4月9日
事隔三年，我再次踏入Chelsea College of Arts。今日我嚟，係要探訪就讀 Fine Art Final Year 嘅 Nick Pang， aka olkamll (讀 ol-ka-mole)。
Olkamll 係一個多媒體藝術家 – 佢嘅創作橫跨油畫、裝置、聲樂、繪畫、等 – 你所諗到嘅所有媒體佢都應該掂過。
係今日之前，我對Olkamll嘅印象完全建立於佢嘅IG同埋網頁。就學Merrick話齋：「佢Post樣多過Post佢嘅work 。」造型感強烈、近乎 editorial 氣質嘅人像影像、cosplay、cocktail、陽光與海灘 – 與創作並置喺同一個版面之上。Nick 精彩嘅個人生活呈現得非常具體，令一邊廂，Olkamll似乎並不急於為自己嘅創作建立語言框架。
我哋終於嚟到佢嘅個人工作空間。麻雀雖小，五臟俱全：隱藏喺一個由佢嘅舊作改裝嘅儲物櫃後面係一張佈滿「藝術家雜物」嘅台面。所謂人之所棄、我知所取，台上放嘅喺不同大小嘅水桶、稀釋劑空瓶、相機、碎碎嘅紙張、不知放多久的朱古力奶同埋黑、銀、掗面嘅指甲油。相比起，對角牆比我想像中更空檔。除咗兩淥竹同埋一張畫之外，牆身空空如也。
作為一個 Painter，我自然首先被佢嘅油畫吸引。個幅畫，主調為藍色 — 描繪一片徘徊在靜態同動態之間，捲浪翻波嘅水域。
隨後，Nick將個幅畫拆下來，換上令外三幅同樣以水為題的作品。
之前喺網上已經覺得Olkamll的畫捕捉了一種流動而鬆動嘅質感。大膽嘅用色同瀟灑嘅筆觸交織，稀釋過嘅顏料滲入畫布纖維，形成近似染色布料嘅畫面效果 — 平面之中，卻仍然保留住動勢。
今次佢展示嘅新畫截然地更具象徵性。
水，對Nick 來說，係由細到大不可或缺嘅元素。從海邊長大嘅佢，直到如今係泰晤士河畔讀書，水既是童年記憶的容器，也是當下漂泊的象徵。作品中水域多為特寫 — 波光閃動、四面延展，地理位置無法確定，但形態熟悉。Nick 認為，即使近距離觀察，每片水域仍能清楚辨識：「它們有不同的樣貌與感覺。」
談及創作，他堅決表示：「我不嬲都唔 show 畫。」他解釋說：「我想呈現一種 curated experience — 唔只係掛畫，而係完全由我掌控嘅環境，呢個就係我做裝置嘅原因。」他提及過去的裝置《If that’s where I am, then I’m no one and I’m nowhere》，長而暗的房間、LED 燈與聲音組合，最後以一幅幾乎全黑的畫作作結。
「嗰段時間我成日喺度諗自己喺呢個世界嘅意義——喺一個無限嘅宇宙入面，過住一個有限嘅人生，究竟代表啲咩。我曾經相信，人活著係為咗某啲比生命本身更大嘅嘢，好似我哋一直都喺去緊某個地方。呢個想法其實令我覺得有啲沉重，甚至帶住一種空虛感……所以我希望整個裝置最後係以黑暗作結，一種近乎虛空嘅狀態。」
的確，位於長廊盡頭嘅嗰幅油畫帶住一種近乎「黑洞」嘅氣質 — 黑、厚重、對比極低，看上去幾乎係一片凝固嘅黑暗，有點像瞳孔被極端放大後嘅近距離影像。聽佢講解作品時，我腦海忽然浮現一句語錄：「一切法無生，一切法無滅；若能如是解，諸佛常現前。」
另一個令我感興趣嘅細節係佢喺媒材欄特別註明咗「碳黑」。碳黑係由不完全燃燒產生嘅顏料，本身就帶住一種來自燃燒與殘餘嘅物質性 — 彷彿包含住破壞之後留下嘅灰燼，同時亦暗示住另一種形式嘅再生。
佢笑住話：「好多人都以為我乜都識，『everything under control』，但其實成日都要喺好短時間入面，由零開始學一種新媒介。」我自己會叫呢種情況做「Concept–Realisation Gap」— 意思就係當想法（Idea）跑得比掌握物料嘅技術快，而呈現出嚟嘅作品力未夠或者未完全表達到概念嗰種狀態。我自己都成日會遇到，所以喺嗰一刻，睇住 Olkamll，我完全感同身受。
他對生活的態度，也反映在佢藝術創作的習慣 — 佢似乎對日常例行過敏。他說：「每次遇到創作阻滯，通常係因為我喺 studio 花太多時間。」
喺工作室、金屬工坊、畫廊工作同活躍嘅社交生活之間來回穿梭嘅Olkamll 好似永遠都唔會冇靈感。「我對材料嘅諗法成日都……有啲過多？靈感唔係問題，反而我較難決定自己想做咩。」
跟住佢翻開佢視如命根嘅素描簿，入面記錄住佢對雕塑同裝置嘅所有諗法。佢最新嘅計劃係一個超過四米長, 模仿竹枝嘅金屬製結構，中間留咗條縫，打算裝 LED 燈。佢喺袋入面攞出一小段——就係佢是日喺金屬工坊創作嘅最新進展。分享呢個宏大計劃嗰陣，佢眼入面完全閃爍住興奮嘅光。
睇住佢喺工作室、金屬工坊同螢幕之間來回走，好明顯，Olkamll 嘅創作唔係淨係關乎某一種媒介，而係一種存在狀態 — 流動、探索、無拘無束。佢嘅油畫、嗰件近乎虛空嘅裝置、細膩嘅線條素描，甚至精心策劃嘅網絡形象片段，都喺不斷展現存在同缺席、記憶同當下嘅交鋒。Olkamll，就好似佢筆下嘅水，流動喺形同無形、自我同作品之間，留低咗一啲充分投入世界嘅痕跡，但又總係帶住一絲距離 — 一場持續進行嘅創作同好奇心之間嘅對話。
圖：Merrick， Olkamll
文：Gigi
留言